ՆԱՏՕ-ի գլխավոր քարտուղար ԵՆս Սթոլթենբերգը աջակցել է ԱՄՆ-ի, Մեծ Բրիտանիայի ու Ֆրանսիայի ռազմական գործողությունը «քիմիական զենքի օբյեկտների ու այն գործածելու՝ ՍԻրիայի կառավարության հնարավորությունների դեմ»։ Այս մասին ասվում է նրա հայտարարության մեջ, փոխանցում է «Վեդոմոստին»։
«Դա նվազեցնում է սիրիական վարչակարգի ապագա հնարավորությունները՝ հարձակվել Սիրիայի ժողովրդի վրա քիմիական զենքի օգնությամբ»,- նշվում է հայտարարությա մեջ։
Սթոլթենբերգը նշել է, որ քիմիական զենքի կիրառումը միջազգային նորմերի խախտում է, ու նրանք, ովքեր գործածել են այն, պետք է պատասխանատվություն կրեն դրա համար։
«ՆԱՏՕ-ն քիմիական զենքի կիրառումը սպառնալիք է համարում միջազգային խաղաղությանն ու անվտանգությանը»,- հայտնել է Սթոլթենբերգը։ Նա նշել է, որ «դա պահանջում է հավաքական ու արդյունավետ պատասխան համաշխարհային համայնքի կողմից»։
Ավելի վաղ ԱՄՆ պաշտպանության նախարարությունը հայտնել էր, որ հրթիռային հարվածներ է հասցրել երեք նշանակետերի Դամասկոսում ու Հոմսում, որոնք կապակցված են եղել քիմիական զենքի արտադրության ու պահման հետ։ Ռուսաստանի ՊՆ-ից հաստատել են, որ ՍԻրիայի վրա ավելի քան 100 հրթիռ է նետվել։ Ռուսաստանն ու Սիրիան հերքում են սիրիական Դումա քաղաքում ապրիլին 7-ին քիմիական զենքի կիրառման մեղադրանքները։ Այսօր քաղաքում պետք է իր աշխատանքները սկսեր Քիմիական զենքն արգելող կազմակերպության առաքելությունը։
