Ֆրանսիայի գործողությունները Սիրիայում, որը դաշնակիցների՝ ԱՄՆ-ի եւ Մեծ Բրիտանիայի հետ մեկտեղ հրթիռային հարվածներ է հասցրել, օրինական եւ հիմնավորված են։ Այս մասին հայտարարել է Ֆրանսիայի արտաքին գործերի նախարար Ժան Իվ Լե Դրիանը, փոխանցում է ՌԲԿ-ն։
Նախարարի խոսքով՝ ռազմական գործողությունները օրինական են, արդարացված եւ նպատակային։
«Քիմիական էսկալացիան Սիրիայում անընդունելի է»,-հավելել է նա Ելիսեյյան պալատում կայացած մամուլի ասուլիսի ժամանակ։
Le Dauphine թերթը հայտնում է, որ Ֆրանսիայի ԱԳ նախարարը հարվածները հիմնավորել է նրանով, որ պաշտոնական Դամասկոսը անցել է կարմիր գիծը։
Իր հերթին Ֆրանսիայի պաշտպանության նախարար Ֆրոնաս Պարլին մամուլի ասուլիսի ժամանակ հայտարարել է, որ Փարիզը մտադիր չէ առճակատման գնալ։ Նրա խոսքով՝ արեւմտյան կոալիցիան թիրախավորել է քիմիական զենքի մշակման կենտրոնը եւ եւս երկու օբյեկտ։ «Մենք հարվածի մասին նախապես նախազգուշացրել էինք ռուսներին»,-հայտնել է նա։
Նշենք, որ ապրիլի 14-ին ԱՄՆ-ն, Մեծ Բրիտանիան եւ Ֆրանսիան հարվածներ են հասցրել Սիրիայի բանակի ուժերի ուղղությամբ։ Ռուսաստանի պաշտպանության նախարարությունից հայտնել են, որ արձակված հրթիռների թիվն անցել է 100-ից: