Հոնդուրասը մտադիր է Երուսաղեմ տեղափոխվել Իսրայելում գտնվող դեսպանատունը, հաղորդում է DW-ն՝ հղում կատարելով KNA գործակալությանը: Հոնդուրասի Ազգային Կոնգրեսի լիագումար նիստում տեղափոխման մասին որոշումը հաստատվել է մեծամասնության կողմից
Իսրայելը ողջունում է «ընդունված որոշումը», նշվում է Իսրայելի ԱԳՆ-ի պաշտոնական հայտարարությունում: Մոտ ժամանակներս Իսրայելի վարչապետ Բենիամին Նեթանյահուն եւ Հոնդուրասի նախագահ Խուան Օրլանդո Էրնանդեսը բանակցություններ կանցկացնեն:
2017 թվականի դեկտեմբերին ԱՄՆ նախագահ Դոնալդ Թրամփը հայտարարել էր, որ Միացյալ Նահանգները Երուսաղեմը ճանաչում են որպես Իսրայելի մայրաքաղաք եւ խոստացել էր Թել Ավիվից դեսպանատունն այդ քաղաք տեղափոխել: Վաշինգթոնի որոշումը զանգվածային բողոքներ առաջացրեց մի շարք մուսուլմանական եւ արաբական երկրներում, ինչպես Եվրոպայի քննադատությանն արժանացավ: Ավելի ուշ դեսպանատան Երուսաղեմ տեղափոխելու մասին հայտարարեց նաեւ Գվատեմալայի նախագահ Ջիմի Մորալեսը: