Մեկնարկել են Հայկական ատոմային էլեկտրակայանի (ՀԱԷԿ) երկրորդ էներգաբլոկի պլանային նախազգուշական վերանորոգման նախապատրաստական աշխատանքները: Արդյունքում այսօր՝ ապրիլի 14-ին ժամը 24:00-ին կկանգնեցվի գործող էներգաբլոկի 4-րդ տուրբոագրեգատը:
Ծրագրի իրականացման շրջանակում կշարունակվեն ՀԱԷԿ-ի անվտանգության մակարդակի բարձրացման ուղղությամբ իրականացվող միջոցառումները, կմեկնարկեն մեքենայական սրահի սարքավորումների արդիականացման աշխատանքները: Հունիսի 1-ից կկանգնեցվեն ռեակտորը եւ 3-րդ տուրբոագրեգատը:
Ծրագրվում է Հայկական ԱԷԿ-ի երկրորդ էներգաբլոկի ռեակտորը վերագործարկել օգոստոսի 1-ին՝ 4-րդ տուրբոագրեգատի հետ միաժամանակ, իսկ 3-րդ տուրբոագրեգատը կգործարկվի տարեվերջին՝ դեկտեմբերի 1-ին: