«Հանրապետական» կուսակցությունը վաղուց էր որոշել խորհրդի նիստը տեղափոխել Ծաղկաձոր եւ դա ընդհանրապես կապ չունի Նիկոլ Փաշինյանի հայտարարության հետ: Այս մասին NEWS.am-ի հետ զրույցում ասաց ԱԺ ՀՀԿ խմբակցության պատգամավոր Գագիկ Մինասյանը:
«Դրա մեջ ճշմարտությունը 0 մակարդակի է, ճշմարտության հետք չկա անգամ: Այդ որոշումը 2-3 օր առաջ էր կայացվել, գործադիր նիստից հետո դա արդեն ակնհայտ էր»,- ասաց նա:
Ավելի վաղ հայտնել էինք, որ շուրջօրյա հանրահավաքներ նախաձեռնած խումբը Նիկոլ Փաշինյանի գլխավորությամբ, նախատեսում էր շրջափակել ՀՀԿ կենտրոնական գրասենյակը, որտեղ պետք է վարչապետի թեկնածու առաջադրվեր Սերժ Սարգսյանը: Փաշինյանի եւ նրա աջակիցների ծրագիրը ձախողվեց, քանի որ ՀՀԿ-ն նիստը տեղափոխել էր Ծաղկաձոր: