ԱՄԷ-ի ԱԳՆ-ն աջակցություն է հայտնել Սիրիայում ռազմական գործողությանը՝ ուղղված քիմիական զենքի դեմ, հայտնում է WAM էմիրաթյան լրատվական գործակալությունը:
«ԱՄԷ-ն խոր մտահոգություն է հայտնում Սիրիայում իրավիճակի լարմամբ եւ դատապարտում խաղաղ քաղաքացիների դեմ քիմիական զենքի օգտագործումը: ԱՄԷ-ն նաեւ աջակցություն է հայտնում միջազգային բոլոր միջոցառումներին՝ ուղղված աշխարհում արգելված այդ զենքի վերացմանը»,- նշված է ԱՄԷ ԱԳՆ հայտարարության մեջ:
Հայտարարության համաձայն՝ ԱՄԷ-ն շեշտադրում է կատարում հակամարտության գոտում ահաբեկիչների ձեռքին այս զենքի հայտնվելը կանխելու անհրաժեշտության վրա:
«Այս համատեքստում ԱՄԷ-ն նաեւ աջակցություն է հայտնում ռազմական գործողություններին, որոնք ուղղված էին արգելված զենքի եւ Սիրիայում դրա օբյեկտների դեմ»,- նշել է գործակալությունը:
ԱՄԷ-ի կարծիքով՝ սիրիական ճգնաժամի կարգավորման հիմքը պետք է լինի ՄԱԿ ԱԽ բանաձեւերի եւ Ժնեւի Կոնվենցիայի հիման վրա քաղքական լուծումը:
Ապրիլի 14-ի գիշերը ԱՄՆ-ն, Մեծ Բրիտանիան եւ Ֆրանսիան Սիրիային ավիահարվածներ են հասցրել ի պատասխան Դումայում քիմիական հարձակման, որի կատարման մեջ Արեւմուտքը մեղադրում է սիրիացի զինվորականներին: ԱՄՆ հայտարարությամբ՝ հարվածները կատարվել են Դումայի ու Հոմսի շրջաններում երեք թիրախներին, որոնք կասկածվում են Սիրիայի քիմիական զենքի ստեղծման ծրագրի հետ կապ ունենալու մեջ՝ գիտահետազոտական ինստիտուտին, հրամանատարակաան կետին եւ պահեստներին: Ինչպես նաեւ Հոմսում քիմիական զենքի 2 պահեստի: Լրատվամիջոցների տեղեկություններով՝ կրակի տակ են հայտնվել նաեւ Սիրիայի Հանրապետական գվարդիայի շտաբը, Դամասկոսի Մեզզա օդանավակայանը եւ Արեւելյան Գուտայի Ադ Դումեյր օդանավակայանը:
- Էսկալացիան Սիրիայում ավերիչ ազդեցություն կունենա ամբողջ միջազգային հարաբերությունների համակարգի վրա․ Պուտին
- Ելիսեյան պալատը Սիրիային հարվածելու համար օդանավերի թռիչքի մասին տեսանյութ է հրապարակել
- Դամասկոսում պատմել են արեւմտյան կոալիցիայի հարվածներից տուժածների, ավերված լաբորատորիաների եւ խոցված հրթիռների մասին
- Թրամփը հայտարարել է Սիրիայում «կետային հարվածներ» հասցնելու սկզբի մասին
- ԱՄՆ-ն, Բրիտանիան ու Ֆրանսիան 30 հրթիռ են արձակել Սիրիայում. թիրախները երեքն են եղել