Ընդդեմ Սերժ Սարգսյանի վարչապետության շուրջօրյա նստացույցի մասնակիցները Ֆրանսիայի հրապարակում շարունակում են հանրահավաքը։
ԱԺ պատգամավոր Նիկոլ Փաշինյանը հայտարարել էր, որ այսօր՝ ապրիլի 15-ին երկու հանրահավաք են անցկացնելու, ժամը 14-ին եւ 18:30-ին։
Երեկ երթի մասնակիցները ներխուժել էին Հանրային ռադիոյի շենք եւ ուղիղ եթեր էին պահանջում։
Ավելի վաղ NEWS.am-ը հայտնել էր, որ «Քաղաքացիական պայմանագիր» կուսակցությունը՝ Նիկոլ Փաշինյանի գլխավորությամբ, մարտի 31-ից քայլարշավ է սկսել Հայաստանի քաղաքներով, որն ավարտվել է ապրիլի 13-ին, Ազատության հրապարակում շուրջօրյա հանրահավաքով, ապա նստացույցով Ֆրանսիայի հրապարակում: Նրանք հայտարարել են, որ մտադիր են ապրիլի 17-ին շրջափակել ԱԺ շենքը, նաեւ պատգամավորների տները եւ թույլ չտալ, որ նրանք մասնակցեն ԱԺ-ում վարչապետի ընտրությանը: «Ելք» դաշինքի մյուս երկու կուսակցությունները՝ «Լուսավոր Հայաստանը» եւ «Հանրապետությունը» չեն միացել այս պայքարին:
Հիշեցնենք, որ ապրիլի 17-ին ԱԺ հատուկ նիստում տեղի կունենա վարչապետի ընտրությունը: ՀՀԿ-ն վարչապետի թեկնածու կառաջադրի Սերժ Սարգսյանին: