Քիչ առաջ արտակարգ դեպք է տեղի ուեցել Երեւանում:
Shamshyan.com-ի փոխանցմամբ, Երեւանի 1-03 շտապօգնության հերթապահ խումբը՝ Արաբկիր վարչական շրջանի Սունդուկյան փողոցից մարմնի տարբեր մասերին ստացած դանակի հետքերով, ինչպես նաեւ «ոտքերի կոտրվածք ու ոտքերի վնասվածք» ախտորոշմամբ Երեւանի թիվ 1 համալսարանական հիվանդանոց են տեղափոխել 2 քաղաքացու:
Փաստի առթիվ ոստիկանության Արաբկիրի բաժնում հետաքննություն է սկսվել:
Ոստիկանները պարզել են նաեւ, որ վիրավորները դանակահարվել են ավտոկայանատեղիում տեղի ունեցած վիճաբանության ժամանակ:
Կայքի տեղեկություններով, վիրավորներից Դավիթ Մ.-ն ծառայում է ՀՀ ՊՆ N կորպուսում, իսկ Արթուր Ա.-ն՝ ՀՀ ՊՆ Վայոց Ձորի մարզում տեղակայված զորամասերից մեկում: Երկուսն էլ սպաներ են եւ թիվ համալսարանական հիվանդանոցի բժիշկների օպերատիվ գործողությունների շնորհիվ հնարավոր է եղել փրկել նրանց կյանքը:
Ոստիկանությունը ունի նաեւ օպերատիվ տեղեկություններ, որ եվս 1 հոգի էլ է դանակահարվել, ում տեղափոխել են «Արմենիա» բժշկական կենտրոն, եւ կան նաեւ տեղեկություններ, թե ովքեր են դանակահարողները: Նրանք Մերգելյան թաղամասի բնակիչներ են:
