Միացյալ Նահանգները դուրս չեն բերի իիրենց զորքերը Սիրիայից, քանի դեռ դրված նպատակները չեն իրականացվել: Այս մասին, ինչպես հայտնում է «ՌԻԱ Նովոստի»-ն՝ վկայակոչելով Fox News Sunday-ը, հայտնել է ՄԱԿ-ում ԱՄՆ մշտական ներկայացուցիչ Նիկի Հեյլին:
«Մենք չենք հեռանա, քանի դեռ վստահ չենք, որ մեր բոլոր նպատակներն իրականացվել են», - նշել է դիվանագետը:
Նպատակների թվում են հաղթանակը «Իսլամական պետություն» արգելված ահաբեկչական կազմակերպության նկատմամբ, համոզմունքը, որ քիմիական զենքն ԱՄՆ-ի համար որևէ վտանգ չի պարունակում և հետևելը Իրանի գործողություններին: