Այսօր՝ ապրիլի 15-ին՝ ժամը 14:00-ին ադրբեջանական կողմը հրաձգային զինատեսակներից կրակ է բացել Տավուշի մարզի Բաղանիս գյուղի ուղղությամբ: Այս մասին NEWS.am-ին ասաց սահմանամերձ Բաղանիսի համայնքապետ Նարեկ Սահակյանը:
«Բարեբախտաբար ոչ ոք չի տուժել, ոչինչ չի վնասվել, այս պահին ամեն ինչ հանգիստ է»,- հայտնեց նա:
Նա նշել է, որ անվտանգության նկատառումներից ելնելով փակվել է միջպետական ավտոճանապարհի Բաղանիս-Ոսկեպար հատվածը: Այժմ ավտոմեքենաները երթեւեկում են շրջանցիկ՝ Հարսնաքարի ճանապարհով:
