ԱՄՆ-ի, Ֆրանսիայի եւ Մեծ Բրիտանիայի կողմից շաբաթ օրը Սիրիայում հասցված հարվածները բաժանեցին Ռուսաստանին եւ Թուրքիային, կարծում է Ֆրանսիայի նախագահ Էմանուել Մակրոնը, փոխանցում է «ՌԻԱ Նովոստի»-ն: Ավելի վաղ Թուրքիան գոհունակություն էր հայտնել այդ հարվածներից: Ռուսաստանը կտրուկ դատապարտել էր դրանք:
«Այդ հարվածների հետեւանքով Ռուսաստանն ու Թուրքիան բաժանվեցին: Թուրքիան դատապարտել է քիմիական հարձակումը եւ աջակցություն հայտնել մեր իրականացրած օպերացիային», - BFMTV-ի եթերում ասել է Մակրոնը:
Ընդ որում, նա նշել է, որ Թուրքիայում մտադիր էր հանդիպել Ռուսաստանի, Թուրքիայի եւ Իրանի առաջնորդների հետ, սակայն սիրիական Արեւելյան Գուտայում քիմիական հարձակման մասին հաղորդումները ստիպեցին նրան հետաձգել այդ պլանները:
«Մինչ քիմիական զենքի կիրառումն Արեւելյան Գուտայում հակամարտության բորբոքում չի եղել, ինչը կոպտորեն խախտում է այն բանաձեւը, որին մենք եւ Ռուսաստանը մի քանի շաբաթ առաջ աջակցեցություն հայտնեցինք: Ես մտադիր էի գնալ Թուրքիա եւ հանդիպել Պուտինի, նախագահ Էրդողանի եւ Նախագահ Ռոհանիի հետ»,- ասել է Մակրոնը: Ֆրանսիայի նախագահը հավելել է, որ մտադիր է վերադառնալ այս գաղափարին:
Մակրոնը նշել է, որ Ֆրանսիան իսկզբանե իր դերն է ունեցել միջազգային հանրության մեջ, որը, երկրի նախագահի խոսքով, կայանում է նրանում, որ հարկավոր է խոսել բոլորի հետ:
