Հռոմում մոտ 200 քահանաներ մասնակցում են չարքերին վտարելու մեկշաբաթյա դասընթացին։ Reuters-ի փոխանցմամբ, էքզորցիզմի պահանջարկը վերջին շրջանում աճել է կաթոլիկների շրջանում։
Սեմինարի մասնակիցները քննարկում են մի շարք հարցեր, այդ թվում Աֆրիկայում կախարդության խնդիրը, նաեւ հոգեկան հիվանդությունը չարքերից տարբերելու անհրաժեշտությունը։
Ալբանիայից կարդինալ Էռնեստ Սիմոնին մեծ հետաքրքրություն է առաջացրել՝ նշելով բջջային հեռախոսների դերը էքզորցիզմում։ Նա նշել է, թե անհրաժեշտության դեպքում իրեն զանգում են, եւ նա գնում է աղոթքներ կարդալու։
Թեպետ պաշտոնական տվյալներ չկան, կաթոլիկ եկեղեցու ներկայացուցիչներն ասում են, որ չարքերը սկսել են ավելի շատ մտնել մարդկանց մեջ։