Մեծ Բրիտանիայի վարչապետ Թերեզա Մեյը հերքել է քննադատների պնդումներն այն մասին, որ Լոնդոնը Սիրիայի վրա հրթիռային հարձակմանը միացել է ԱՄՆ-ի նախագահ Դոնալդ Թրամփի հրահանգով, հաղորդում է AP-ն:
Նրա խոսքով՝ Մեծ Բրիտանիան դա արել է իր ազգային շահերից ելնելով: Նա նշել է, որ քիմիական զենքի օգտագործումը չպետք է անպատիժ մնա:
Մի շարք բրիտանացի խորհրդարանականներ կարծում են, որ կառավարությունը չպետք է գործեր առանց խորհրդարանի հավանության:
Խորհրդարանում ելույթ ունենալով՝ Մեյը նշել է, որ «մենք դա արեցինք, ոչ թե այն պատճառով, որ նախագահ Թրամփը խնդրեց մեզ դա անել: Մենք դա արեցինք, որովհետեւ կարծում ենք, որ դա ճիշտ է: