ԱՄՆ Կոնգրեսի Սենատի արտաքին գործերի հարցով կոմիտեն տարածել է օրենսդիրների ուղեկցող հայտարարություն, որով նախատեսվում է նախագահին այս կամ այն ահաբեկչական խմբավորման դեմ ռազմական գործողություններ անցկացնելու իրավունքով օժտել, հաղորդում է ՏԱՍՍ–ը։
Փաստաթղթի հեղինակներն են հանրապետականներից Բոբ Կորկերը (Թենեսի նահանգ), Ջեֆ Ֆլեյքը (Արիզոնա նահանգ), Թոդ Յանգը (Ինդիանա նահանգ), իսկ դեմոկրատներից՝ Թիմ Քեյնը (Վիրջինիա նահանգ) եւ Բիլ Նելսոնը (Ֆլորիդա նահանգ)։
Նոր փաստաթղթի հիմնական դրույթը ենթադրում է նախագահին այս կամ այն ահաբեկչական խմբավորման դեմ ռազմական գործողություններ անցկացնելու իրավունքով օժտել, իսկ օրենսդիրներին այս իրավունքից զրկելու հնարավորություն է տալիս։ Համաձայն նոր փաստաթղթի՝ «նախագահը կարող է անմիջապես ուժ կիրառել, սակայն 48 ժամվա ընթացքում պետք է հայտնի Կոնգրեսին։ Դրանից հետո օրենսդիրները 60 օրվա ընթացքում գնահատական կտան նախագահի որոշմանը։ Եթե Կոնգրեսը անհրաժեշտ համարի, ապա օրենսդիրները կարող են նախագահին զրկել հետագա ռազմական գործողություններ վարելու իրավունքից։