Ռուսաստանը՝ որպես Սիրիայի դաշնակից, պատասխանատվություն է կրում Արեւելյան Գուտայում «քիմիական հարձակումների» համար: Այս մասին հայտարարել է Գերմանիայի կանցլեր Անգելա Մերկելը՝ ընդգծելով, որ մտադիր է երկարաձգել երկխոսությունը ՌԴ նախագահ Վլադիմիր Պուտինի հետ, փոխանցում է Reuters-ը:
«Սիրիայում քիմիական հարձակման կապակցությամբ մենք կարծում ենք, որ Ռուսաստանը՝ որպես դաշնակից (նախագահ Բաշար Ասադի), պատասխանատվություն է կրում: Դրանում կասկած չկա, սակայն այնուամենայնիվ կարեւոր է շարունակել երկխոսությունը Ռուսաստանի հետ», - ասել է Մերկելը՝ հավելելով, որ մոտ ապագայում հույս ունի հանդիպել Պուտինի հետ: