Southwest Airlines ավիաընկերության ուղեւորատար ինքնաթիռը շարժիչներից մեկի այրվելու հետեւանքով Ֆիլադելֆիայի միջազգային օդանավակայանում հարկադրական վայրէջք է կատարել:

Դեպքի պատճառով մեկ ուղեւոր է տուժել: KTLA-ն հաղորդում է, որ շարժիչի շրապնելը մտել է ինքնաթիռի սրահ եւ վիրրավորել ուղեւորին: Նրան տեղափոխել են Penn Presbyterian բժշկական կենտրոն: Նրա վիճակի մասին տեղեկություն դեռ չի հաղորդվում:

What a flight! Made it!! Still here!! #southwest #flight1380 pic.twitter.com/Cx2mqoXVzY

— Joe Marcus (@joeasaprap) April 17, 2018

Facebook Live-ի տեսանյութում ուղեւորի մի ձեռքին թթվածնային դիմակ է, մյուսին՝ հեռախոս: Տեսանյութին կից գրված է. «Ինչ-որ բան այն չէ մեր ինքնաթիռի հետ: Կարծես թե, մենք իջնում ենք: Վթարային վայրէջք: Նյու Յորքից Դալաս չվերթ»:

Արտակարգ վայրէջքի պատճառների մասին պաշտոնական տեղեկատվություն դեռ չկա, սակայն հաղորդվում է, որ այն «անվտանգ» է եղել, հայտնում է «Ամերիկայի ձայնը»:

Օդանավակայանը տարածել է հետեւյալ հայտարարությունը. «Լա Գուարդիա օդանավակայանից  Southwest Airlines ավիաընկերության Դալաս թռչող 1380 ինքնաթիռը Ֆիլադելֆիա է ուղեւորվել տեխնիկական միջադեպի պատճառով:

Ինքնաթիռը բարեհաջող վայրէջք է կատարել: Ֆիլադելֆիա օդանավակայանը շարունակում է ընդունել եւ ուղարկել թռիչքներ, սակայն հնարավոր են հետաձգումներ»: