Երեւանում տեղի ունեցած բողոքի ակցիաները բարձրացնում են Հայաստանի միջազգային հեղինակությունը, եթե նրանց մասնակիցները չեն խախտում օրենքը: Այս մասին ապրիլի 18-ին մամուլի ասուլիսի ժամանակ ասաց իշխող Հանրապետական կուսակցության խորհրդարանի պատգամավոր, ԱԺ ֆինանսավարկային եւ բյուջետային հարցերի մշտական հանձնաժողովի նախագահ Գագիկ Մինասյանը:
Նա հայտարարեց, որ Հայաստանի քաղաքացիների մի մասը, առաջնորդվելով «Ելք» դաշինքի որոշ ներկայացուցիչների կարգախոսներով, փողոց է դուրս եկել իր իրավունքները իրականացնելու համար: «Բողոքի ակցիաները, ցույցերը, հանրահավաքները ոչ միայն բնական են, ընդունելի, այլեւ գովելի են, եթե ամեն ինչ տեղի է ունենում օրենքի շրջանակում, ներառյալ իշխանությունների, ցուցարարների եւ ոստիկանության գործողությունները:
Դա նորմալ երեւույթ է ժողովրդավարական երկրների համար, քանի որ դրանցում այնպես չի լինում, որ իշխանությունների գործողությունները ընդունվեն հասարակության բոլոր շերտերի կողմից: Միշտ էլ կան մարդիկ, ովքեր չեն կարողանում հաշտվել ել առկա խնդիրների հետ եւ փողոց են դուրս գալիս իրենց դժգոհությունը օրենքով նախատեսված ձեւերով արտահայտելու համար», - ասաց պատգամավորը:
Նրա խոսքով՝ ընդդիմության եւ իշխանությունների վարքագիծը վերջին օրերին հույս է ներշնչում, որ բողոքի ակցիաները չեն վերածվի անօրինական անկարգությունների, թեեւ գրանցված իրավախախտումները նույնպես բավական նորմալ է, իրավախախտները պատասխանատվություն կկրեն:
«Ընդ որում ինչպես Ոստիկանության աշխատակիցները այնպես էլ ակցիայի մասնակիցները, որոնց գործողությունները դուրս են օրենքի շրջանակներից», - ասաց Մինասյանը:
Խոսելով ակցիաների մասնակիցների դեմ կիրառված հատուկ միջոցների մասին՝ Մինասյանն ընդգծեց, որ դա օրինական էր, հակառակ դեպքում՝ ոստիկանությունը չէր դիմի նման քայլի:
Նշենք, որ Հայաստանում բողոքի ակցիաներ են անցկացվում նախկին նախագահ Սերժ Սարգսյանի վարչապետության դեմ:
Նիկոլ Փաշինյանը դիմեց Սերժ Սարգսյանին (ուղիղ, ֆոտոռեպորտաժ)
ԱՄՆ-ի պետքարտուղարության արձագանքը Հայաստանի վերջին զարգացումներին
