Սննդամթերքի անվտանգության պետական ծառայությունը Կոտայքի մարզի Առինջ գյուղում պաղպաղակի արտադրությամբ զբաղվող «Ձյան Փաթիլներ» արտադրական կոոպերատիվում իրականացված վերահսկողության ընթացում հայտնաբերել էր ժամկետանց բուսայուղային սփրեդ: ՍԱՊԾ-ն ոչնչացրել էր ժամկետանց հումքը, նաեւ, մինչեւ լաբորատոր փորձաքննության արդյունքներն ունենալը, կասեցրել պատրաստի արտադրանքի իրացումը:
Ընկերության՝ 17.03.2018 թ. արտադրության «Ձյունիկ» եւ «Ձողիկ» պաղպաղակներից կատարված նմուշառման եւ փորձաքննության արդյունքում պարզվել է, որ երկու տեսակներն էլ ունեն մանրէաբանական անհամապատասխանություններ՝ ԱՑԽՄ եւ ստաֆիլակոկ ցուցանիշներով:
Ընդհանուր 670 հատ պաղպաղակի իրացումը կասեցվել է եւ տեղում ոչնչացվել. արտադրանքը պահեստից իրացման ցանց չի հասել:
«Ձյան Փաթիլներ» արտադրական կոոպերատիվի առանձին գործառույթը՝ պաղպաղակի արտադրամասի գործունեությունը, կասեցվել է՝ մինչեւ բոլոր խախտումների վերացումը: