Սննդամթերքի անվտանգության պետական ծառայությունը վերահսկողական գործողություններ է իրականացրել Արարատի մարզի Դաշտավան գյուղում գործող «Հարի» ՍՊԸ-ին, ինչպես նաեւ Գեղարքունիքի մարզի Մեծ Մասրիկ եւ Վայոց Ձորի Գետափ գյուղերում գործունեություն ծավալող անհատ ձեռնարկատերեր Արման Բաբայանին եւ Սամվել Խլոյանին պատկանող հացի արտադրամասերում: Պարզվել է, որ այս արտադրամասերում հացի արտադրությունն իրականացվել է սննդամթերքի սանիտարահիգիենիկ պահանջների կոպիտ խախտումներով, թողարկվող արտադրանքը չի համապատասխանել դրանց որակը եւ անվտանգությունը սահմանող նորմատիվ իրավական ակտերին, հաց եւ հացաբուլկեղենը տեղափոխվել են չթույլատրված տարաներով, հումքը, այլ բաադրիչներն ու վերջնական արտադրանքը չեն պահվել դրանց փչացումը եւ աղտոտումը կանխարգելող պայմաններում:
Արտադրամասերի գործունեությունը կասեցվել է, սահմանվել է ժամանակ խախտումները վերացնելու համար:
Իսկ Արմավիրի մարզի Էջմիածին քաղաքում գործող անհատ ձեռնարկատեր Ռադա Կարամյանին պատկանող կրեմային հրուշակեղենի եւ հացի, Կոտայքի մարզի Ձորաղբյուր գյուղի «Էթյունի» ՍՊԸ-ին եւ Կոտայքի մարզի Գառնի գյուղի անհատ ձեռնարկատեր Հովհաննես Մանուկյանին պատկանող հացի արտադրամասերում վերացվել են սանիտարահիգիենիկ բոլոր խախտումները եւ վերահսկիչը թույլատրել է վերսկսել արտադրական գործունեությունը: