Միայն Ռուսաստանի կառավարությունն ունի այդպիսի շարժառիթ, միջոցներ եւ փորձ՝ Գլխավոր հետախուզական վարչության նախկին գնդապետ Սերգեյ Սկրիպալի եւ նրա դստեր թունավորման նման հարձակման համար: Այս մասին չորեքշաբթի օրը հայտարարել է Պետդեպարտամենտի մամուլի ծառայության ղեկավար Հեզեր Նաուերթը, փոխանցում է «ՏԱՍՍ»-ը:
Նա նաեւ պնդում է, որ Քիմիական զենքի արգելման կազմակերպության (ՔԶԱԿ) կողմից նախորդ շաբաթ հրապարակված զեկույցը հաստատում է Մեծ Բրիտանիայի եզրակացությունները Սկրիպալներին թունավորման նյութի ծագման վերաբերյալ: «ՔԶԱԿ-ի կողմից անցյալ շաբաթ հրապարակված անկախ զեկույցը հաստատում է Միացյալ Թագավորության լաբորատորիայի անալիզը Սոլսբերիում կիրառված քիմիական նյութի վերաբերյալ: Մենք հիանում ենք ՔԶԱԿ-ի օպերատիվ օժանդակությամբ եւ այդ փաստերը բացահայտելու համար ձեռնարկված տեխնիկական միջոցներով»,- նշվում է Նաուերթի հայտարարության մեջ: