2014 թվականի հուլիսից Cadillac-ը ղեկավարող Յոհան դե Նայսենը լքում է զբաղեցրած պաշտոնը: Այս մասին նշվում է ընկերության տարածած հաղորդագրության մեջ, փոխանցում է «Վեդոմոստի»-ն:
Ամերիկյան General Motors-ը հայտարարել է Cadillac պրեմիում բրենդի ղեկավարի փոփոխման մասին: Ապրանքանիշի նոր նախագահ կդառնա Սթիվեն Քարլայլը, ով ղեկավարում էր ընկերության կանադական ստորաբաժանումը:
Յոհան դե Նայսենը, ով ղեկավարում էր Cadillac-ը 2014 թվականի հուլիսից, անմիջապես հրաժարական է տալիս եւ լքում է ընկերությունը, նշվում է հաղորդագրության մեջ:
Cadillac-ը նոր ռազմավարական ծրագիր էր մշակել, որի համաձայն տասնամյակի վերջում Cadillac-ի մոդելային շարքը պետք է ապահովեր լյուքսային սեգմենտի մոտ 90 տոկոսը: Դե Նայսենի ղեկավարության ժամանակ ընկերությունը մի քանի նորույթ էր ներկայացրել, այդ թվում նաեւ՝ Super Cruise ավտոմատ կառավարվող ավտոմեքենան, եւ մոտ 50 տոկոսով մեծացրել էր Չինաստանում վաճառքի ծավալները՝ հասցնելով 175 հազար ավտոմեքենայի, հաղորդում է «Ինտերֆաքս»-ը: Սակայն Cadillac-ի վաճառքի աճի տեմպերը մրցակիցներից հետ էին մնում, իսկ ԱՄՆ-ում անցյալ տարի վաճառքները նվազել են 8 տոկոսով՝ մինչեւ 156.000 ավտոմեքենա: