Ապրիլի 18-ին՝ ժամը 19:40-ի սահմաններում, դեռեւս ինքնությունը չպարզած անձը մոտեցել է ՀՀ ԱՆ «Արթիկ» քրեակատարողական հիմնարկի հսկիչ-անցագրային կետին եւ հայտնել, որ ցանկանում է դեղորայք փոխանցել:
ՀՀ ԱՆ ՔԿՎ հանրային կապերի բաժնից NEWS.am-ին հայտնում են, որ այնուհետեւ սեղանի վրա թողել է պոլիէթիլենից տոպրակ եւ անմիջապես հեռացել:
Զննությամբ տոպրակում հայտնաբերվել եւ առգրավվել է Bepanthen Pommade 5%, 100g գրառմամբ 2 տուփ եւ 0.5 լիտր տարողությամբ 1 թափանցիկ պոլիէթիլենային տարայով, SOBIO HYDRA Aloe Vera գրառմամբ բաց դարչնագույն յուրահատուկ հոտով հեղուկ զանգված: Երկու տուփերից մեկում հայտնաբերվել է թափանցիկ մեկ փաթեթ, որի ընդհանուր քաշը կազմել է 76.78 գրամ, իսկ մյուսում՝ եւս մեկ փաթեթ՝ ընդհանուրը 112.96 գրամ քաշով:
Հայտնաբերվածներն ուղարկվել են դատաքիմիական փորձաքննության, նախապատրաստվում են նյութեր:
