Playboy ամսագրի նախկին մոդել Կարեն Մաքդուգալը American Media Inc ընկերության հետ, որին պատկանում է National Enquirer հրատարակությունը, համաձայնության է հասել եւ արդեն կարող է բացահայտ պատմել մինչ նախագահ ընտրվելը ԱՄՆ նախագահ Դոնալդ Թրամփի հետ իր կապի մասին: Այս մասին հաղորդում է ՌԲԿ-ն՝ վկայակոչելով Մաքդուգալի հայտարարությանը:
«Ես ուրախ եմ, որ իմ ներկայացրած պայմաններով համաձայնություն եկա AMI-ի հետ (American Media Inc) եւ դրանով վերականգնվում է իմ կյանքի պատմության իրավունքը եւ ես ազատվում եմ այն պայմանագրից, որը ես, մոլորության մեջ լինելով, երկու տարի առաջ ստորագրել էի», —ասել է Playboy-ի նախկին մոդելը:
Ավելի վաղ նա CNN-ին պատմել էր, որ Թրամփի հետ 10 ամսվա սիրավեպ է ունեցել, որը սկսվել էր նախագահի եւ նրա ներկայիս կնոջ՝ Մելանյայի որդու ծնվելուց մի քանի ամիս անց:
The Wall Street Journal-ը հունվարի կեսին հայտնել էր, որ National Enquirer-ի հրատակիչը Կարենին 150 հազար դոլար էր վճարել Թրամփի հետ հնարավոր կապի մասին պատմության համար, որն այդ ժամանակ Հանրապետականների կողմից նախագահի թեկնածու էր: Սակայն հրատարակությունն այդպես էլ չհրապարակեց նրա պատմությունը: