News
Լրահոս
News
Երկուշաբթի
Հունվար 21
Տեսնել լրահոսը

Գարեգին Բ Ամենայն հայոց կաթողիկոսը վերջին օրերին Երեւանում տեղի ունեցող բողոքի ակցիաների կապակացությամբ հանդես է եկել ուղերձով, որում ասվում է.

«Սիրելի բարեպաշտ ժողովուրդ,

Մեր երկրի ու ժողովրդի ներքին կյանքը վերջին օրերին ուղեկցվում է բուռն ու լարված իրադարձություններով՝ կապված Հայաստանի Հանրապետության վարչապետի ընտրության հետ:

Մեր մտահոգությունն ենք հայտնում ստեղծված իրավիճակի առնչությամբ, որ  խաթարում է հանրային բնականոն կյանքի ընթացքը։ Յուրաքանչյուր հայորդի հայրենիքի հանդեպ սիրուց մղված ունի իր տեսլականը, որի վերաբերյալ իր մոտեցումներն ու ընկալումները կարող է արտահայտել օրինական միջոցներով՝ ազատորեն իրացնելով իր քաղաքացիական իրավունքները: Սակայն դա երբեք չի ենթադրում սիրո եւ ողջամտության նահանջ, այլոց իրավունքների ոտնահարում, առավել եւս՝ մարդկանց կյանքի վտանգում: Մեր ժողովրդի եւ մեր Սուրբ Եկեղեցու զավակներն են եւ՛ ցուցարարների, եւ՛ իրավապահների շարքերում: Անընդունելի եւ անթույլատրելի են ատելության եւ թշնամանքի հրահրումը եւ որեւէ տեսակի ընդհարում ու բռնության գործադրում:

Հորդոր ենք ուղղում Մեր ժողովրդի զավակներին` կոչ անելով պահպանելու զգաստությունն ու ողջախոհությունը, հայրենասիրության մեջ օրինահարգությունը եւ խաղաղության նախանձախնդրությունը՝ ցուցաբերելով միմյանց հանդեպ հարգանք եւ ներողամտություն: Հայրենիքի առջեւ ծառացած մարտահրավերները հաղթահարելի են սոսկ, երբ առկա է համերաշխություն, փոխհասկացողություն, համընդհանուր պատասխանատվություն եւ միասնություն: Մեր երկիրն այսօր պահանջն ունի այս ոգու դրսեւորման:  

Աղոթք ենք բարձրացնում առ Աստված`հայցելով Տիրոջ իմաստությունը եւ Սուրբ Հոգու առաջնորդությունը մեզ ամենքիս:

«Միաբա՛ն եղեք, խաղաղությո՛ւն արեք. եւ խաղաղության ու սիրո Աստվածը թող լինի ձեզ հետ» (Բ Կորնթ. 13.11):

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայերը Բեթղեհեմում նշել են Քրիստոսի Սուրբ ծնունդը (ֆոտո)
Հայ համայնքը Սուրբ ծնունդը նշել է Բեթղեհեմի բազիլիկում...
Երուսաղեմում Հայ եկեղեցին մեծ շուքով նշում է Սուրբ Ծնունդը (ֆոտո)
Կեսգիշերին սպասվում է Պաղեստինի նախագահի այցը Սուրբ Ծննդյան տաճար...
Երուսաղեմի նորընտիր քաղաքապետն այցելել է Հայոց պատրիարքարան
Հանդիպման ընթացքում քննարկվել են նաև Երուսաղեմի Հայոց պատրիարքարանին և հայկական համայնքին հուզող հարցեր…
Արտաքին լրջագույն մարտահրավերների պայմաններում ներքին կյանքում պիտի ունենանք հնարավորինս քիչ խնդիրներ. Գարեգին Բ
Հայաստանի նոր կյանքը կերտելու պատասխանատվությունը նաեւ ձեր ուսերին է...
Պոլսո հայոց պատրիարքարանի մուտքի մոտ նոր խաչքարեր են տեղադրվել (ֆոտո)
Սույն խաչքարերը պատրաստվել են Հայաստանի մեջ բարերար Սասունցի...
Սփյուռքի նախարարության դուրս հանելը կարող է բացասական արձագանք ստանալ սփյուռքում. Արամ Ա-ի նամակը՝ Փաշինյանին
Նա նշել է, որ կառավարության ընդհանուր կազմից Սփյուռքի նախարարության դուրս հանելը կարող է բացասական արձագանք ստանալ սփյուռքի ներսում...
Ամենաշատ