Կուբայի Ազգային ասամբլեան Պետական խորհրդի նախագահ է ընտրել Միգել Դիաս-Կանելին, որը նախկինում զբաղեցնում էր մարմնի փոխնախագահի պաշտոնը: Այս մասին Meduza-ի փոխանցմամբ՝ հաղորդում է Կուբայի կոմունիստական կուսակցության պաշտոնական հրատարակությունը:
86-ամյա Ռաուլ Կաստրոն, որը վերջին 10 տարիներին ղեկավարում էր Կուբան, թողել է պաշտոնը: 57-ամյա Դիաս-Կանելը Պետական խորհրդի ղեկավարի պաշտոնի համար միակ թեկնածուն էր: Նրա թեկնածության համար գաղտնի քվեարկությունը անցկացվել է ապրիլի 18-ին, նրա օգտին 605 պատգամավորներից քվեարկել է 603-ը: