ԱՄՆ-ն հույս ունի պայմանավորվածության հասնել Մեծ Բրիտանիայի, Ֆրանսիայի եւ Գերմանիայի հետ Իրանի միջուկային գործարքի շուրջ ԱՄՆ նախագահ Դոնալդ Թրամփի մտահոգությունների հետ կապված։ Այս մասին հայտարարել է զինաթափման հարցով ԱՄՆ դեսպան Ռոբերտ Վուդը, փոխանցում է Reuters-ը։
Նրա խոսքով՝ երեք եվրոպական գերտերությունների հետ բանակցություններն ինտենսիվ են եղել՝ հաշվի առնելով Թրամփի կողմից սահմանված վերջնաժամկետը՝ մայիսի 12-ը։ Նա նշել է, որ Վաշինգթոնին անհանգստացնում է Իրանի բալիստիկ հրթիռների ծրագիրը, նրա միջուկային գործունեությունը, ինչպես նաեւ Իրանի պահվածքը Մերձավոր Արեւելքում:
Միացյալ Նահանգները նաեւ պնդում է իրանական օբյեկտներին Ատոմային Էներգիայի միջազգային գործակալության (ՄԱԳԱՏԵ) տեսուչների մուտքի շուրջ՝ անկախ այն հանգամանքից, թե նա ծավալում է քաղաքացիական միջուկային գործունեություն թե ոչ։
