Հայաստանի կառավարությունը որոշում է կայացրել փոխել նիստերի անցկացման ժամը։ Այդ մասին կառավարության նիստից հետո լրագրողներին ասել է արդարադատության նախարարի պաշտոնակատար Դավիթ Հարությունյանը:
Հարցին, թե ինչու էին այսօր նիստն արել երեկոյան, Հարությունյանը պատասխանել է. «Կառավարության նիստերի ժամը կփոխվի, մենք այսուհետ, ամենայն հավանականությամբ, ժամը 17:00-ին ենք անցկացնելու»։
Նախկինում, տարիներ շարունակ նիստերն անցկացվել են ամեն հինգշաբթի՝ ժամը 11:00-ին: