Գերմանիայի կանցլեր Անգելա Մերկելը Ֆրանսիայի նախագահ Էմանուել Մակրոնի հետ հանդիպման ժամանակ կոչ է արել եվրագոտու հարցում փոխզիջումներ փնտրել։ Մակրոնը պնդել է ԵՄ անդամ երկրների համերաշխության շուրջ, փոխանցում է Reuters-ը։
«Ոչ մի արժույթային միություն չի կարող գոյություն ունենալ առանց կոնվերգենցիայի տարրերի։ Ամենակարեւորը վստահ լինելն է, որ մենք կիսում ենք նույն նպատակը եւ ունենք համատեղ քաղաքական նպատակ»,-նշել է Մակրոնը՝ Բեռլինում Մերկելի հետ բանակցություններից առաջ կայացած մամուլի ասուլիսի ժամանակ։
Շեշտելով փոխզիջման անհրաժեշտությունը՝ Մերկելը հայտարարել է, որ համերաշխությունն ու պատասխանատվությունը պետք է կապված լինեն․ «Մեզ անհրաժեշտ են բանավեճեր, բաց բանավեճեր, եւ, ի վերջո, մեզ անհրաժեշտ է փոխզիջման կարողություն»:
Մակրոնի տեսլականը ներառում է գոյություն ունեցող Եվրոպայի փրկության հիմնադրամի վերափոխումը Եվրոպական արժույթի հիմնադրամի (EMF), որը որպես բուֆեր կծառայի ապագայում ԵՄ-ում ցանկացած ֆինանսական ճգնաժամի դեպքում:
