Եվրամիության դուռը փակ է Մեծ Բրիտանիայի համար, եւ եվրոպացիները չպետք է ընդունեն Brexit-ի չեղարկման որեւէ փորձ։ Այս մասին բրիտանական Daily Telegraph-ի հետ հարցազրույցում հայտարարել է Ֆրանսիայի նախկին նախագահ Ֆրանսուա Օլանդը։

Նրա խոսքով՝ այդ հարցը փակված է, հանրաքվեն կայացել է․ «Չի կարելի բանակցություններ սկսել՝ ենթադրելով, որ մեկ այլ ճանապարհ կա»,-կարծում է Օլանդը։

Նրա համոզմամբ՝ ամենավատ տարբերակը կլինի չափազանց երկար քննարկումները, որոնք թույլ չեն տա ԵՄ-ին առաջ շարժվել՝ ստիպելով կասկածել Brexit-ի անդառնալի բնույթին։