Ապրիլի 19-ին, ժամը 16:31-ին ահազանգ է ստացվել, որ Շիրակի մարզի Գյումրի քաղաքի Շիրակացի փողոցում՝ «ԼենԿոշ» կոշիկի արտադրամասի մոտակայքում, տեղի է ունեցել ՃՏՊ. ավտոմեքենաներից ծուխ է դուրս գալիս: Անհրաժեշտ է փրկարարների օգնությունը:

Դեպքի վայր են մեկնել մեկ մարտական հաշվարկ եւ մեկ ջրատար ավտոմեքենա:

Պարզվել է, որ Շիրակացի 8 հասցեի մոտակայքում բախվել են «Mercedes B» մակնիշի (վարորդը՝ Պ. Հ., 1987 թ.), «Mercedes ML» եւ «ԳԱԶ 53» մակնիշի (վարորդը՝ Պ. Գ., 1988 թ.) ավտոմեքենաները: Բախման հետեւանքով «ԳԱԶ 53» մակնիշի եւ «Mercedes ML» մակնիշի ավտոմեքենաներում հրդեհ է բռնկվել:

Մինչ փրկարարների՝ կանչի վայր հասնելը «ԳԱԶ 53» մակնիշի ավտոմեքենայի ուղեւորները՝ Ա. Խ.-ը (1990 թ.), Ռ. Կ.-ը (1963 թ.) եւ Հ. Հ.-ը (1982 թ.) հոսպիտալացվել են Գյումրի քաղաքի ԲԿ: Բժիշկները տուժածների առողջական վիճակը գնահատել են բավարար:

Հրդեհը մեկուսացվել է ժամը 17:17-ին, մարվել՝ 17:57-ին:

Ամբողջությամբ այրվել են «ԳԱԶ 53» մակնիշի ավտոմեքենայի բեռնախցիկը եւ «Mercedes ML» մակնիշի ավտոմեքենայի շարժիչի հատվածն ու սրահը: