Ջրասպորտի միջազգային ֆեդերացիայի (FINA) փոխնախագահ Թամաշ Դյարֆաշը կալանավորվել է սպանության կազմակերպման կասկածով, հայտնում է Inside The Games-ը։

Հունգարիայի պետական տեղեկատվական MTI գործակալության տվյալներով՝ Դյարֆաշը կասկածվում է մեդիամագնատ Յանոշ Ֆոնյույի սպանությանը մասնակցելու մեջ։ Գործարարին կրակել են իր մեքենայում 1998 թ․ փետրվարին։ Սլովակ Յոզեֆ Ռոհաչը դատապարտվել էր ցմահ ազատազրկման, սակայն քանի որ պատվիրատուն չէր գտնվել, Հունգարիայի ոստիկանությունն անցած տարի հոկտեմբերին որոշել էր կրկին բացել գործը։ Դյարֆաշը մեկն է եղել այն երկու տղամարդկանից, որոնք կալանավորվել եւ հարցաքննվել են։