Մեծի Տանն Կիլիկիո Կաթողիկոս Արամ Ա-ն ժամանել է Հայաստան. նա Մայր Աթոռում է:
Մայր Աթոռ Սուրբ Էջմիածնի տեղեկատվական համակարգի տնօրեն Տեր Վահրամ քահանա Մելիքյանը NEWS.am-ի հետ զրույցում նշեց, որ Վեհափառն ունի մի շարք հանդիպումներ, նա կհանդիպի վարչապետ Սերժ Սարգսյանի և նախագահ Արմեն Սարգսյանի հետ: Արամ Ա կաթողիկոսը երկու ժամից կմեկնի Հայաստանից, իսկ ցուցարարների հետ հանդիպում նախատեսված չէ»:
Ավելի վաղ NEWS.am-ը հայտնել էր, որ Արամ Ա Մեծի Տանն Կիլիկիո Կաթողիկոսն այսօր՝ ապրիլի 20-ի առավոտյան, մի քանի ժամով եկել է Հայաստան: Նշվում էր, որ նա նույն օրը կվերադառնա Անթիլիասի Մայրավանք։
«Անհանգիստ է Հայաստանը, անհանգիստ ենք նաև մենք՝ բոլորս: Ինչպես Հայաստանի հզորացումն ու ծաղկումը մեր բոլորի պարտքն է ու հպարտությունը, նույնպես հայրենի մեր ժողովրդի ցավն ու մտահոգությունը մերն է:
Հետևաբար անտարբեր չենք կարող մնալ հայրենի ժողովրդին հուզող խնդիրների նկատմամբ: Անտարբեր չենք կարող մնալ Երեւանի փողոցներում պարզված տեսարանների եւ երեւույթների նկատմամբ»,- Հայաստան այցից առաջ օդանավակայանում ասել էր Արամ Ա կաթողիկոսը:
«Անտարբեր չենք կարող մնալ». Արամ Ա կաթողիկոսը այսօր ժամանում է Հայաստան (վիդեո)
