News
Լրահոս
News
Կիրակի
Օգոստոս 19
Տեսնել լրահոսը

Մեղադրական եզրակացությամբ Երեւան քաղաքի ընդհանուր իրավասության առաջին ատյանի դատարան է ուղարկվել  2018 թվականի մարտի 10-ի երեկոյան Երեւան քաղաքի Վազգեն Սարգսյան փողոցում, ՀՀ կենտրոնական բանկի դիմաց «Մերսեդես» մակնիշի ավտոմեքենայով կատարված մահվան ելքով վրաերթի դեպքի առթիվ հարուցված քրեական գործը:

Նշված դեպքի առթիվ ՀՀ քննչական կոմիտեի Երեւան քաղաքի քննչական վարչությունում 2018 թվականի մարտի 10-ին ՀՀ քրեական օրենսգրքի 242-րդ հոդվածի 2-րդ մասի, 244-րդ հոդվածի հատկանիշներով հարուցվել էր քրեական գործ:

2018 թվականի մարտի 13-ին, որպես վրաերթ կատարած «Մերսեդես» մակնիշի ավտոմեքենայի վարորդ, ՀՀ քննչական կոմիտեի Երեւան քաղաքի քննչական վարչություն է ներկայացել Երեւան քաղաքի Հաղթանակ թաղամասի բնակիչ, 1992թ.-ին ծնված Ժ. Վ.-ն: Նույն օրը նա ձերբակալվել է եւ կասկածյալի դատավարական կարգավիճակում տվել խոստովանական ցուցմունք:

Նախաքննության ընթացքում ձեռք բերված բավարար փաստական տվյալների համակցությամբ հիմնավորվել է, որ Ժ.Վ-ն 2018 թվականի մարտի 10-ին՝ ժամը 20:55-ի սահմաններում, իրեն վստահված «Մերսեդես» մակնիշի ավտոմեքենայով, երկու ուղեւորով, երթեւեկել է Երեւան քաղաքի Վ.Սարգսյան փողոցով՝ Մ. Խորենացի փողոցի կողմից դեպի Հանրապետության հրապարակի ուղղությամբ:

Այդ ընթացքում ավտոմեքենան վարել է երթեւեկելի կենտրոնական գոտով, շուրջ 60կմ/ժ արագությամբ, մոտակա լույսերը միացված վիճակում: Չհասած Վ. Սարգսյան եւ Դեղատան փողոցների խաչմերուկին՝ նա կատարել է ճանապարհային երթեւեկության կանոնների խախտում,  այսինքն չի զիջել խաչմերուկից հետո գտնվող, չկարգավորվող հետիոտնային անցումներով երթեւեկելի մասը հանգիստ քայլերով հատող հետիոտն Մարիա Գրիգորյանին: Դրա հետեւանքով ավտոմեքենայի առջեւի ձախ մասով վրաերթի է ենթարկել վերջինիս, անզգուշությամբ նրան պատճառել է մահ, որից հետո թողել է ճանապարհատրանսպորտային պատահարի վայրը եւ հեռացել:

2018 թվականի մարտի 26-ին Ժ. Վ.-ին մեղադրանք է առաջադրվել ՀՀ քրեական օրենսգրքի 242-րդ հոդվածի 2-րդ մասով եւ 244-րդ հոդվածով: Նրա նկատմամբ որպես խափանման միջոց է ընտրվել ստորագրություն չհեռանալու մասին:

2018 թվականի ապրիլի 20-ին նախաքննություն իրականացրած քննիչի կողմից ստացվել է քրական գործով մեղադրական եզրակացությունը, որը  հաստատվել է գործով նախաքննության օրինականության նկատմամբ հսկողություն իրականացնող դատախազի կողմից եւ ուղարկվել ընդհանուր իրավասության առաջին ատյանի դատարան:

Տպել
Կարդացեք նաև
Ամբողջը
Իսպանիայում ձերբակալել են թմրանյութերի մատակարարների խմբի, որից 7 տոննա հաշիշ են բռնագրավել
Ոստիկանության տվյալներով, խումբը բեռը մատակարարում էր Իսպանիա դրա հետագա տարածման համար...
Մեքսիկայում հայտնաբերել են մոտ 50 տոննա սինթետիկ թմրանյութեր
Ըստ զինվորականների, առաջին պահեստում վաճառքի համար պատրաստվել էր 7 տոննա նյութ...
Թուրքիայի արեւելքում մուֆթիի գրասենյակում աշխատակիցը կրակ է բացել. 2 զոհ կա, 5 վիրավոր
Anadolu-ն հաղորդում է, որ երկու մարդ սպանվել է, եւս հինգը՝ վիրավորվել, ներառյալ հրաձիգը...
Ոստիկանության բաժնի հաշվապահը աշխատող չհանդիսացող քաղաքացիների հաշվեհամարներին գումարներ է փոխանցել
Ոստիկանության ներքին անվտանգության վարչությունը նոր բացահայտումներ է արել...
Ալեքսանդր Սարգսյանի որդու գործով նախաքննությունն ավարտվեց. եւս 1 նոր քրգործ է հարուցվել
ՀՀ 3-րդ նախագահ Սերժ Սարգսյանի եղբորորդու՝ Հայկ Սարգսյանի գործով նախաքննությունն ավարտվել է...
Ոստիկանները Երևանում թմրանյութի մեծ «արտադրամաս» են հայտնաբերել
Խուզարկությամբ հայտնաբերվեց տնկված 208 հատ, մինչ 4 մետր բարձրության կանեփի թուփ...
Partner news