News
Լրահոս
News
Հինգշաբթի
Օգոստոս 16
Տեսնել լրահոսը


Ես առաջարկում եմ բոլոր քաղաքական ուժերին, երկրի ապագայի համար անհանգիստ մարդկանց վերանայել իրենց մոտեցումները եւ երկխոսություն սկսել բոլոր հարթակներում, որպեսզի ապահովվի երկրի կայունությունը: «Արմենիա» հեռուստաալիքին տված հարցազրույցում այս մասին հայտարարել է Հայաստանի առաջին փոխվարչապետ Կարեն Կարապետյանը՝ հավելելով, որ որպես հայ մարդ, Հայաստանի Հանրապետության քաղաքացի, ինչպես եւ բոլորը, ինքն էլ շատ անհանգիստ է:

«Անհանգիստ եմ՝ թոռնիկս մանկապարտեզ հասավ, թե՝ չէ, հայրս հիվանդանոց հասավ, թե՝ չէ: Ես վստահ եմ, որ այսօր փողոցներում կան շատ կարող, հայրենասեր եւ համարձակ երիտասարդներ, որոնց էներգիան եւ կամքը կարելի է եւ պետք է օգտագործել այլ տեղերում: Եվ մենք պատրաստ ենք ու պարտավոր ենք օգտագործել այդ ներուժը»,- հավելել է Կարապետյանը:

Նա կարծում է, որ հարկավոր է ձեւավորել ռեգուլյար գործող հարթակ, որտեղ լինեն քաղաքական բանավեճեր, քննարկվեն կնճռոտ հարցեր, որտեղ կարելի է խոսել ու բանակցել անընդհատ, այլ «ոչ թե ընտրությունից ընտրություն կուտակած պրոբլեմները եւ նեղվածությունն արտահայտել»:

«Ես առաջարկում եմ բոլոր քաղաքական ուժերին, երկրի ապագայի համար անհանգիստ մարդկանց վերանայել իրենց մոտեցումները եւ երկխոսություն սկսել բոլոր հարթակներում, որպեսզի ապահովվի երկրի կայունությունը: Նույնիսկ պատերազմող երկրները բանակցում են եւ տրամաբանական լուծման են գալիս: Մենք՝ հայերս, Հայաստանի Հանրապետության քաղաքացիները, պարտավոր ենք մեր տան մեջ նստել, ռացիոնալ բանակցել եւ տրամաբանական լուծումներ գտնել՝ այս իրավիճակից դուրս գալու համար: Ապակայանության դեպքում տուժելու ենք բոլորս, տուժելու է մեր երկիրը»,- նշել է առաջին փոխվարչապետը:

Ինքը նույնպես պատրաստ է հանդես գալ նախաձեռնությամբ կամ էլ միանալ որեւէ հարթակի, որը կստեղծվի:

Հարցին, արդյո՞ք սա կարելի է համարել որպես առաջարկ այն մարդկանց, ովքեր հրապարակում են, Կարեն Կարապետյանը պատասխանել է. «Այո՛, ես այդպես էլ ձեւակերպել եմ, ես առաջարկում եմ դա»:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Որոշվել է սեղմ ժամկետներում կասեցնել ԵԿՄ նախագահ Մանվել Գրիգորյանի լիազորությունները. ԵԿՄ փոխնախագահ
ԵԿՄ ազատամարտիկներն ու ԵԿՄ վարչության անդամները խստորեն դատապարտում են տեղի ունեցած...
Արտակ Մանուկյանը նշանակվել է վարչապետի խորհրդական
Ամեն ինչ կանեմ, որ արդարացնեմ ու արժանի լինեմ նման վստահությանը։ Ծառայում եմ Հայաստանի Հանրապետությանը...
Սուպերվարչապետությունը պետք է վերանա, բայց դա չի նշանակում, որ իշխանությունը պետք է հավասար բաշխվի. ՀՀ վարչապետ
Հայաստանում էլ իշխանությունը երբեք հավասար բաշխված չի լինելու, որովհետեւ պետք է հստակ լինի, թե ով է իշխանության պատասխանատուն…
Ժողովուրդն իր հաղթանակը չի կորցնի. Փաշինյանը՝ արտահերթ ընտրությունների հնարավոր արդյունքների մասին
Ես համոզված եմ, որ ընտրությունների արդյունքում ժողովուրդը կտոնի իր հաղթանակը...
Անկախ նրանից, թե ինչ փաթեթավորմամբ հետ կկանգնենք ընտրական օրենսգրքից, դա կլինի նահանջ. Արփինե Հովհաննիսյան
Ընտրական օրենսգրքի ընդունումը պետք է լինի նույն ոճով ու ձեւաչափով, որով ընդունվել է ներկա ԸՕ-ն…
Ընտրություն կեղծող իշխանությունը ներառական տնտեսական աճ ապահովելու խնդիր չի դրել. Նիկոլ Փաշինյան
Հայաստանի զարգացումն արգելափակած անկյունաքարային խնդիրը ընտրությունների ընթացքում ժողովրդի կամքի շարունակական ձեւախեղումն է...
Partner news