News Media մեդիահոլդինգի բաժնետեր եւ գլխավոր տնօրեն Արամ Գաբրիելյանովը վաճառել է իր մասնաբաժինը Mash պարբերականին։ Այս լուրը հաստատել է Mash-ի հիմնադիր Նիկիտա Մոգուտինը, հայտնում է «Վեդոմոստի»-ն։
«Գործարքը իսկապես կայացել է, եւ հիմա բոլոր հարցերով, վերջապես, զբաղվում են իրավաբանները։ Մենք արդեն վաղուց էինք այդ մասին խոսում Արամ Աշոտովիչի հետ եւ, վերջապես, գործընթացը խոսքից գործի անցավ»,-ասել է Մոգուտինը։
Նրա փոխացմամբ՝ գործարքի մանրամասները կբացահայտվեն, երբ ավարտվեն ֆորմալ գործընթացները։
Vc.ru-ի տվյալներով՝ Գաբրիելյանովին էին պատկանում «Մեշ» ՍՊԸ բաժնետոմսերի 75 տոկոսը, «Նյուզ մեդիա» ՍՊԸ-ի 25 տոկոսը։
Արամ Գաբրիելյանովը «Ժիզն» թերթի եւ LifeNews պորտալի հիմնադիրն է։ 2016 թ․ նա ամբողջությամբ վերափոխել է իր մեդիաակտիվները՝ փակել է Life հեռուստաալիքը՝ հայտարարելով, որ հեռուստատեսությունը ժամանակակից աշխարհում այլեւս արդիական չէ եւ սկսել է ֆինանսավորել մեդիա ստարտափեր։ Այսպիսի նախագծերից էր Mash-ը։ Նախագիծը թողարկվել է 2017 թ․ մարտին։ Այն տարբեր սոցիալական ցանցերի լրատվական հաղորդագրությունների ցանց է իրենից ներկայացնում։