«Իմ քայլը» նախաձեռնությունը շարունակում է բողոքի երթը Երեւանի Ավան վարչական շրջանի Գայի պողոտայով։
NEWS.am-ի թղթակիցը հայտնում է, թե ցուցարարները անցել են պաշտպանության նախարարության վարչական շենքի մոտով եւ մտել են Ավան։
Նիկոլ Փաշինյանը լրագրողներին հայտնել է, որ Սերժ Սարգսյանը ցանկանում էր ամեն կերպ խափանել իրենց երթը, սակայն իրենք շարունակել եւ շարունակում են այն՝ օրենքի տառին համապատասխան։ Երթի մասնակիցներին է միացել «Ելք» խմբակցության պատգամավոր, ազատամարտիկ Սասուն Միքայելյանը։
Նշենք, որ վարչապետ Սերժ Սարգսյանը Նիկոլ Փաշինյանին կոչ է արել անհապաղ քաղաքական երկխոսության եւ բանակցությունների սեղանի շուրջ նստել, իսկ ոստիկանությունը սպառնացել է դադարեցնել հավաքը։
