Հայաստանի խորհրդարանի նախկին պատգամավոր, գործարար Գարեգին Նուշիկյանի որդի Գագիկ Նուշիկյանը դուրս է գրվել հիվանդանոցից եւ իրեն լավ է զգում: Այս մասին NEWS.am-ի թղթակցի հետ հեռախոսազրույցում ասել է անձամբ Գարեգին Նուշիկյանը:
Նրա խոսքով՝ իր որդու եւ ընկերների վրա հարձակվել են անհայտ անձինք: Նախկին պատգամավորը չի մանրամասնել ծեծկռտուքի պատճառները, այլ միայն նշել, որ երիտասարդները պարզապես չեն հասկացել իրար:
«Հիմա որդիս տանն է, ինքնազգացողությունը բավական նորմալ է», -ասել է նա:
Հիշեցնենք, որ երկու օր առաջ Երեւանի բնակիչ 24-ամյա Գագիկ Նուշիկյանը մարմնական վանսվածքներով հիվանդանոց էր տեղափոխվել: Ժամանած ոստիկաններին նա հայտնել էր, որ դեպքը տեղի է ունեցել Թումանյան փողոցում: Պարզվել էր, որ նրան անհայտ տղամարդ է ծեծել: Միջադեպը տեղի էր ունեցել «Ջեմին» սրաճարանում: