«Իմ քայլը» նախաձեռնությունն այսօր երեկոյան երթ չի անելու։ Այդ մասին Հանրապետության հրապարակում ընթացող հանրահավաքում հայտարարել է ԱԺ պատգամավոր Նիկոլ Փաշինյանը։ Նա նշել է, որ հյուր ունեն՝ «Հայք» խումբը, որը համերգ է տալու։
Նա նշել է, որ այսօրվա ընթացքում 23 կմ միայն ինքն է քայլել։
Իսկ վաղը՝ ապրիլի 21-ին քայլարշավը մեկնարկելու է Էրեբունի վարչական շրջանից։ Կոնկրետ վայրը, սակայն Փաշինյանը չասաց, հորդորեց հետեւլ իր ուղիղ եթերներին։ «Էրեբունիում ինչքան փողոց կա, կամաց-կամաց, գյոզերով հավաքվում ենք, ու հերթական հուժկու երթը անում»,- ասել է նա եւ հավելել, որ նույն ժամին սկսվում է նաեւ Երեւանի մյուս մասերում, հանրապետության մարզերում քաղաքացիական անհնազանդության բուռն գործողությունները. «Որպեսզի բանակցային պրոցեսում մեր դիրքերը լինեն առավել ամուր»։
Երեկոյան էլ հանրահավաք կլինի Հանրապետության հրապարակում։
Նշենք, որ առավոտից ամբողջ քաղաքում ուժեղացված հսկողություն էր, իսկ Բաղրամյան պողոտայում՝ Ազգային ժողովի դիմաց, ոստիկանությունն արդեն 1 շարքով փշալարեր էր տեղադրել:
- Թեժ իրավիճակ Էջմիածին-Երեւան ճանապարհին. այստեղ է նաեւ Առաքել Մովսիսյանը
- Քննարկման թեման կարող է լինել միայն Սերժ Սարգսյանի հրաժարականը. Փաշինյան (վիդեո)
- Սերժ Սարգսյանը Փաշինյանին կոչ է անում անհապաղ նստել բանակցությունների սեղանի շուրջ
- Փաշինյանը կոչ է անում հավաքվել Նոր Նորքի 6-րդ զանգվածում
- Նիկոլ Փաշինյանը ներկայացրեց իր պայմանները իշխանությանը