Ամերիկայի չորս նախկին նախագահները, ինչպես նաեւ առաջին տիկին Մելանիա Թրամփը, շաբաթ հրաժեշտ են տվել Բարբարա Բուշին (1925-2018)՝ ԱՄՆ նախկին նախագահ Ջորջ Բուշ ավագի կնոջը: Թաղման արարողությունը հեռարձակել են ԱՄՆ-ի կենտրոնական հեռուստաալիքները, հաղորդում է ՏԱՍՍ-ը:
Հյուսթոնում Սուրբ Մարտինի եկեղեցում հավաքվել էր մոտ 1.5 հազար հյուր: Նրանց թվում էին նախկին նախագահներ Ջորջ Բուշ ավագը, Բիլ Քլինթոնը, Ջորջ Բուշ կրտսերը եւ Բարաք Օբաման, ինչպես նաեւ նրանց ընտանիքների անդամները:
Սպիտակ տունն ավելի վաղ հայտնել էր, որ գործող նախագահ Դոնալդ Թրամփը չի այցելի արարողությանը ուժեղացված անվտանգության հետ կապված խանգարումներից խուսափելու համար:
Heading to the Southern White House to watch the Funeral Service of Barbara Bush. First Lady Melania has arrived in Houston to pay our respects. Will be a beautiful day!
— Donald J. Trump (@realDonaldTrump) 21 апреля 2018 г.
«Առաջին տիկին Մելանյան ժամանել է Հյուսթոն, որպեսզի իր հարգանքը մատուցի», - Twitter-ում գրել է Թրամփը:
Նա նաեւ հրապարակել է Բարբարա Բուշի դիմանկարը, որը նրա հաղորդմամբ, կախել են Սպիտակ տանը:
Today, my thoughts and prayers are with the entire Bush family. In memory of First Lady Barbara Bush, there is a remembrance display located at her portrait in the Center Hall of the @WhiteHouse. pic.twitter.com/AuJ3RLZyax
— Donald J. Trump (@realDonaldTrump) 21 апреля 2018 г.