ՀՀ վարչապետին առընթեր Ազգային անվտանգության ծառայությունը շարունակում է նոր տեսանյութեր հրապարակել ահաբեկչության կանխման դեպքի վերաբերյալ: Հրապարակված հերթական տեսանյութում ԱԱԾ աշխատակիցները հարցաքննում են ահաբեկչություն նախապատրաստելու կասկածանքով ձերբակալված անձանցից մեկին:
Տեսանյութում կասկածյալը նշում է, որ խուզարկությունների ժամանակ հայտնաբերված նյութերով մտադիր էին պայթուցիկներ պատրաստել: Նրա խոսքով՝ ցանկանում էին դրանք տեղադրել ճանապարհներին, քաղաքի այնպիսի հատվածներում, որտեղ հնարավոր կլիներ վախեցնել ոստիկաններին, վնասել նրանց, ովքեր խանգարում են ցույցերի անցկացմանը:
Հիշեցնենք, որ ԱԱԾ-ն 6 անձանց է ձերբակալել, որոնք, ըստ պաշտոնական վարկածի, պայթուցիկ նյութ են պատրաստել եւ փորձարկել՝ նպատակ ունենալով ահաբեկչություն իրականացնել:
