Նիկարագուայում ուղիղ եթերում գնդակահարել են բողոքի ակցիաները լուսաբանող լրագրողին, հայտնում է Reuters-ը՝ վկայակոչելով տեղական լրատվամիջոցներին:
Լրագրող Անգել Գախոնան պատմում էր Բլուֆիլդս քաղաքում տեղի ունեցողի մասին, երբ կրակոց է հնչել, եւ նա ընկել է գետնին՝ գլխի արնահոսող վերքով:
Ո՛չ Մանագուայի իշխանությունները, ո՛չ Նիկարագուայում Կարմիր խաչի ներկայացուցիչ Լիսեթ Գվիդոն չեն կարողացել հաստատել միջադեպի մանրամասները:
Նաեւ հայտնի չէ, թե ով է կրակել: Նիկարագուական La Prensa պարբերականը հայտնում է, որ այդ պահին շրջանում են եղել ոստիկաններն ու ցուցարարների դեմ պայքարող խմբեր:
Կարմիր խաչը միջադեպից առաջ հայտնել էր, որ ցույցերի ընթացքում բախումների հետեւանքով զոհվել է առնվազն 6 մարդ:
Տեղական իրավապաշտպան կազմակերպությունները հայտնել են մոտ 25 մարդու զոհվելու մասին: