Քաբուլում ընտրողների գրանցման կենտրոնում տեղի ունեցած պայթյունի հետեւանքով առնվազն 4 մարդ է զոհվել: Ենթադրաբար՝ պայթյունն իրագործել է մահապարտ ահաբեկիչը, հայտնում է Reuters-ը:
Հիվանդանոցներ են տեղափոխել 15 վիրավորի, տուժածների եւ զոհերի ստույգ թիվն առայժմ հայտնի չէ:
Աֆղանստանում հոկտեմբերին անցկացվող երկարատեւ խորհրդարանական ընտրությունների նախապատրաստման ժամանակ ընտրողների գրանցման կենտրոններ են ստեղծվել, եւ լուրջ մտավախություն կար, որ դրանք կարող են հարձակումների թիրախ դառնալ: