Ոստիկանները Ֆրանսիայի հրապարակից բերման են ենթարկել պահեստազորի գնդապետ Վոլոդյա Ավետիսյանին: Այդ պահին նա իր մարտական ընկերների հետ եռագույն դրոշներով ակցիա էր իրականացնում Ֆրանսիայի հրապարակում:
Ոստիկանները փակեցին փողոցը եւ բերման ենթարկեցին Վոլոդյա Ավետիսյանին ոչ ոստիկանական մեքենայով:
Արդեն մեքենայի մեջ նա բացականչեց. «Ոչ ոք չի կոտրվելու, պայքարելու ենք մինչեւ Հայաստանի փրկությունը»:
Ակցիայի մասնակիցները շարժվեցին դեպի Ազատության հրապարակ:
Հիշեցնենք, որ Վոլոդյա Ավետիսյանը իր ընկերների հետ միասին մարտի 21-ից նստացույց էր անում Ազատության հրապարակում՝ ընդդեմ Սերժ Սարգսյանի հնարավոր վարչապետության եւ քաղբանտարկյալների ազատ արձակման:
Հիշեցնենք, որ այսօր՝ ապրիլի 22-ին, Արցախի փողոցում բախում տեղի ունեցավ ցուցարարների ու ոստիկանների միջեւ: Ոստիկանությունը հատուկ միջոցներ, մասնավորապես, ծխանռնակներ կիրառեց եւ տարավ «Ելք» խմբակցության պատգամավորներ Նիկոլ Փաշինյանին, Սասուն Միքայելյանին եւ Արարատ Միրզոյանին:
Ուժայինները բռնի ուժով բազմաթիվ ցուցարարների են բերման ենթարկել:
