ԱՄԷ-ն Կատարին մեղադրել է, որ նրա կործանիչները քաղաքացիական օդանավ են որսել, որում 86 ուղեւոր է եղել: Օդանավը Բահրեյն էր ուղեւորվում, հայտնում է ԱՄԷ-ի պետական լրատվական WAM գործակալությունը:
Աղբյուրի համաձայն՝ օդանավը ստիպված էր շեղվել մանեւրելով բախումից խուսափելու համար:
Հիշեցնենք, որ ԱՄԷ-ն, Սաուդյան Արաբիան, Բահրեյնը եւ Եգիպտոսը Կատարի հետ դիվանագիտական հարաբերությունները խզել են՝ նրան մեղադրելով ահաբեկչությանն աջակցելու մեջ: Դոհան բոլոր մեղադրանքները հերքում է: