Իրանի հետ անկատար համաձայնագիրը նախընտրելի է ընդհանրապես որեւէ համաձայնագրի բացակայությունից: Այս մասին Israel TV-ի հետ հարցազրույցում նշել է Գերմանիայի կանցլեր Անգելա Մերկելը՝ հավելելով, որ Բեռլինը ուշադրությամբ կհետեւի իրանական միջուկային համաձայնագրի իրականացման ապահովմանը:
Մերկելը նշել է, որ հասկանում Իրանի հետ կապված Իսրայելի մտավախությունը, սակայն համաձայն չէ երկրի վարչապետ Բենիամին Նեթանյահուի հետ իրանական հավակնությունների զսպման մեթոդների հարցում:
Նշենք, որ Մերկելը ապրիլի վերջին կայցելի Վաշինգթոն եւ կհանդիպի ԱՄՆ նախագահ Դոնալդ Թրամփի հետ, որը հանդես է գալիս ընդդեմ իրանական համաձայնագրի՝ սպառնալով մայիսի 12-ին համաձայնագրից դուրս գալ, եթե չհաջողվի այն «ուղղել»:
