Գերմանիայի կանցլեր Անգելա Մերկելը շեշտել է ազատ առեւտրի կարեւորությունը եւ ողջունել Եվրամիության ու Մեքսիկայի միջեւ նոր առեւտրային պակտի կնքման մասին համաձայնագիրը, փոխանցում է Reuters-ը:
Գերմանիայում Հանովերի առեւտրի տոնավաճառի բացմանը ելույթ ունենալիս Մերկելը եւ Մեքսիկայի նախագահ Էնրիկե Պենա Նյետոն ողջունել են ԵՄ-ի եւ Մեքսիկայի միջեւ ազատ առեւտրի մասին նոր համաձայնագրի հարցում սկզբունքորեն նոր համաձայնությունը:
«Սա Եվրոպայի, Գերմանիայի եւ Մեքսիկայի համար իսկապես լավ նորություն է»,- ասել է Մերկելը:
«Մենք հանդես ենք գալիս գլոբալ առեւտրի օգտին, որն այնքան ազատ է, որքան հնարավոր է, եւ հիմնված է ընդհանուր կանոնների վրա»,- նշել է նա: