Հունաստանը մերժել է երկու հույն զինվորներին ութ թուրք զինվորականների հետ փոխանակելու՝ Թուրքիայի նախագահի առաջարկը. թուրք զինվորականները Հունաստան են փախել 2016 թվականի զինված հեղաշրջման ձախողված փորձից հետո: Այս մասին գրում է AP-ն:
Խոսքը երկու հույն զինվորների մասին է, որոնք եղանակային վատ պայմանների պատճառով պատահաբար թուրքական տարածքում են հայտնվել: Արդեն մի քանի ամիս է՝ թուրքական իշխանությունները նրանց բանտում են պահում: Նախապես նրանց մեղադրում էին լրտեսության մեջ, սակայն հետագայում այս մեղադրանքը դատավարության չհասցրեց:
Թուրքիայի նախագահ Ռեջեփ Էրդողանը նախօրեին հայտարարել էր հույն զինվորներին թուրք սպաների հետ փոխանակելու հնարավորության մասին, որոնց Աթենքը չի վերադարձնում Անկարային:
Հունաստանի կառավարության հայտարարության մեջ նշվում է, որ Էրդողանի նման հայտարարությունները (զինվորների փոխանակման մասին) անընդունելի են:
