News
Լրահոս
News
Շաբաթ
Ապրիլ 20
Տեսնել լրահոսը

Հայաստանի պետական գնումների համակարգը 2017 թվականին ավելի մրցունակ է դարձել: Այս մասին լրագրողների հետ հանդիպման ժամանակ այսպիսի տեսակետ հայտնեց ֆինանսների փոխնախարար Կարեն Թամազյանը:

Նրա խոսքով՝ այս մասին է վկայում մեկ մրցույթին մասնակիցների միջին թվի աճը. եթե 2015-2016 թվականներին մեկ մրցույթին մասնակցում էր 3,2 սուբյեկտ, ապա 2017-ին մասնակիցների թիվը հասել է 4-ի: «Սա բավականին դրական ցուցանիշ է՝ հաշվի առնելով տարածաշրջանային եւ միջազգային, եվրոպական չափանիշները»,- նշեց փոխնախարարը:

Նա հայտնեց, որ 2017 թվականին ուժի մեջ մտած «Պետական գնումների մասին» օրենքը մեծացրել է պետգնումների համակարգի հասանելիությունը եւ թափանցիկությունը, ինչպես նաեւ հանրության ներգրավվածությունը պետգնումների բոլոր գործընթացներին:

«Սրան նպաստել են նաեւ պետգնումների համակարգի բարեփոխված էլեկտրոնային ռեսուրսները, որոնք մեծացրել են տեղեկությունների հասանելիությունը, թե պետական կառույցները եւ համայնքները ինչ պայմանագրեր ու որ ընկերությունների հետ են կնքել եւ ինչ գումարի»,- նշեց Թամազյանը՝ շարունակելով, որ ռեսուրսը վերլուծական գործիք է պարունակում, որի օգտագործումը հնարավորություն է տալիս հասկանալ, թե ինչու է, օրինակ, որեւէ մի ընկերություն պարբերաբար հաղթում այս կամ այն պետական կառույցի հայտարարած մրցույթներում:

Փոխնախարարի տեղեկություններով՝  ընդհանուր առմամբ Հայաստանի պետական համակարգում 2017 թվականին իրականացվել է 180 մլրդ դրամի պետգնում, որից 96 մլրդ դրամը բաժին է ընկել բնական մենաշնորհներին (էլեկտրամատակարարման, գազամատակարարման, ջրամատակարարման, փոստի օպերատորներ եւ այլն), իսկ 83,7 մլրդ դրամը՝ մրցույթներին:

«Այս գումարից 4,7 մլրդ դրամը կամ 5,7 տոկոսը բաժին է ընկել մեկ պատվիրատուի՝ 2015 թվականի 18,3 տոկոսի դիմաց, եւ այս ցուցանիշի նման կտրուկ կրճատումը նույնպես վկայում է պետգնումների համակարգում մրցակցության բարձրացման մասին»,- ամփոփեց Թամազյանը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՏՄՊՊՀ նախագահի թեկնածուն խոստանում է պարզել Հայաստանում ավիատոմսերի թանկ լինելու պատճառները
Հայաստանում ավիատոմսերի թանկ լինելը երկրում ամենաշատ քննարկվող թեմաներից մեկն է…
Դոլարի փոխարժեքըւ շարունակում է նվազել. Եվրոն եւս էժանացել է
Թանկարժեք մետաղների համար բանկի կողմից սահմանվել են հետեւյալ գները…
Օրենքը պետք է թիրախավորի փողերի լվացմամբ զբաղվողներին. վարչապետը` գույքի բռնագանձնման թեմայով քննարկումներին
Հաջորդիվ քննարկվել են առանց մեղադրական դատավճռի կայացման ապօրինի ճանապարհով ձեռք բերված գույքի բռնագանձման ինստիտուտի ներդրմանը…
Ազնիվ եւ արդար մրցակցությունը կարող է նախադրյալ դառնալ տնտեսական զարգացման համար. թեկնածու
Ազնիվ եւ արդար մրցակցությունը կարող է նախադրյալ դառնալ տնտեսական եւ տեխնոլոգիական զարգացման համար…
«Լուսավոր Հայաստանը» դեմ է ցեմենտի մասին օրինագծին չանցկացված քննարկումների պատճառով
«Լուսավոր Հայաստանը» առաջարկում է հետ կանչել ցեմենտի ներկրման տուրքի սահմանման օրինագիծը...
Կարեն Կարապետյանն ընկել էր հետեւիցս, 50 հոգով մտնում էին օբյեկտներս. Ծառուկյան
Հարցրեք նրանց, ովքեր ցեմենտով են զբաղվում, նույնիսկ թղթերին չէին հավատում, մեքենաները կշեռքին էին կանգնացում...