Սերժ Սարգսյանը հեռացել է, բայց հանրապետական կուսակցությանը դեռ դիմադրելու ենք։ Այդ մասին Հանրապետության հրապարակում ընթացող հանրահավաքում հայտարարել է ԱԺ պատգամավոր Արարատ Միրզոյանը։
«Հանրապետական կուսակցությունը Հայաստանում իշխանություն չի լինելու»,- ասել է նա։ Ըստ պատգամավորի, դրանով էլ չի վերջանալու, մենք լիքը գործ ունենք անելու։ «Օլիգարխները, բիզնեսմենները պետական իշխանության մեջ ներգրավված չեն լինելու։ Հայաստանում պիտի այսուհետ լինեն միայն արդար ու թափանցիկ ընտրություններ։ Իշխանությունը Հայաստանի քաղաքացիներից երբեք չպիտի խլվի։ Իշխանությունը պատկանումէ ժողովրդին եւ այդ իշխանությունը պիտի իրացվի ընտրությունների միջոցով։ Մենք պիտի քաղաքականությունը դուրս բերենք դպրոցներից եւ կրթական հաստատություններից»,- նշել է պատգամավորը։
Նա նշել է, որ պետք է ձեւավորվի գերարդիական կրթական համակարգ։ «Ոլորտ առ ոլորտ, քայլ առ քայլ պիտի կերտենք մեր երազանքների Հայաստանը»,- ասել է Միրզոյանը։