Թբիլիսիի քաղաքային դատարանը մեղավոր է ճանաչել նախկին պաշտպանության նախարար Բաչո Ախալային պաշտոնաթող գնդապետ Սերգո Տետրաձեի մահվան գործով եւ նրան դատապարտել 9 տարվա ազատազրկման, հաղորդում է Civil Georgia-ն:
Գլխավոր դատախազության տվյալներով՝ 2011 թվականի սեպտեմբերին Բաչո Ախալայան, պաշտպանության նախարարի պաշտոնում աշխատելիս, Ռուսաստանի օգտին լրտեսության խոստովանության պահանջով կազմակերպել է մի քանի անձանց խոշտանգումները, ինչպես նաեւ սեռական բռնություն ձերբակալվածի նկատմամբ:
Բաչո Ախալայան, որն այսօրվա դատական նիստին ներկա չէր, կարճ հայտարարություն է տարածել սոցիալական ցանցերով, որում իր դեմ կայացրած վճիռը գնահատել է որպես «վիրավորական»: Նախկին պաշտպանության նախարար Բաչո Ախալայան արդեն դատապարտվել է մի քանի այլ քրեական գործերով:
